كل بنت تعاني من آلام وقت الدورة أو تعرف احد يعاني أو ماتعاني كلكم مهم جداً تقرؤون هالبوست .. 👌🏼

مهم تمرون على تحديث التجربة في هالتدوينة [ لبان الذكر كذبة ، حمية منتجات الألبان و غسول المُره | التجارب الثانية في علاج آلام الدورة 💢 ] ، لأن لبان الذكر يلخبط الدورة و نتيجته مؤقته .

بعد أكثر من ٨ سنوات معاناة مع ألم الدورة واللي في اخر اربع سنوات صار ألم لا يحتمل ، موت ، طلعة روح ، ولاده ، شيء فضيع ، ابر ومستشفيات وباليالله تنفع / وكل شخص يفتي من عنده جربي كذا حطي ، كذا من قبل بشهر اتدفي وسوي بلا بلا بلا .. والاطم اللي كانو يقولون طبيييعييييي بس تتجوزين يروح 🤦🏻‍♀️🧟‍♀️

خلاص وصلت لمرحلة اتابع كم باقي على الدورة بكل رعب واشيل همها وادعي من كل قلبي يارب اجعلها برداً وسلاما .. مسألة انك تتألم بهالشكل كل شهر طول العمر عذاب افضّل الموت عليه .. المهم ضليت ادعي وادعي وادعي

و في ايام التدريب في إدارة الحرم كنت احكّي صديقة تعمل هناك الله يسعدها وين ماكانت المهم قالت لي خذي لبان الذكر و نقعيه في مويا لمن يذوب اشربيه وبمشيئة الله تنسين الالم ..

مع اني سبق رحت مستشفى ورحت دايه "طبيبه شعبيه" كلهم قالوا طبيعي او فقر دم / وسبحان الله صادف انو فنفس اليوم وحده فالسناب اتكلمت عنه وحطت تجارب متابعاتها 🤩،  الحاصل اني رحت ابحث في قوقل ولقيت انو لبان الذكر غني بالـ ماغنيسيوم اللي نقصه يسبب الام الدورة ..

وجري ارسلت من العطار وسويتها وبدأت اشرب وادعي يارب سخرّه يكون سبب نهاية هالوجع والعذاب .. و جات الدورة بعدها والله برداً وسلاما ، حتى التقلصات الطبيعية ماحسيت فيها تبارك الرحمن .. قلت مابقول لاحد باجرب شهر ثاني و كمان جات خفيفه سلسه ..🙏🏻 / وبعد ما تأكدت حبيت اشارككم هالمعلومة المهمة