شاركينا فنّك [ رسماتي من الطفولة ]| #تحدي-النافذة

by - 10:21 ص

صباح الجمال ، ومساء اسعادة .. 

☁️ 🌾



ضمن تحدي النافذة راح يكون هالشهر حافل بالتدوينات بمشيئة الله 🤩💪🏼


الرسم .. 
العالم الجميل الصغير 

موهبة الطفولة اللي وصلت عزها في المرحلة المتوسطة ، وبدأت اهملها في الثانوي حتى خفّت تدريجياً
و أقدر أقول الآن اني مع الأسف فقدت جزء كبير من مرونتي وقدرتي عالرسم 
لكن بمشيئة الله اني استعيدها حبه حبه من الآن وتدريجياً ..

لأنها فعلاً من أحلى المواهب ، استمتع و انبسط وانا ارسم ، ادخل عالم منفصل تماماً عن العالم الحقيقي
ولمن انتهي من رسمة شعور الإنجاز و الفخر يملى صدري
حقيقي الرسم يطلعني من أقوى مودات الكآبة و الملل

مشكلته الصغنونه يحتاج مزاج ، ونادراً جداً اصيد هالمزاج 🤪 

الجميل فالموضوع إني مجمعة كراسات الرسم حقتي من الابتدائي تقريباً 
يعني أقدم وحده كانت حقت سادس ، واجدد وحده حقت هالسنه 😻
إيوا هالسنة اشتريت أدوات بسيطة عشان ارجع نفسي شوي شوي للجو وارجع ارسم

تعالوا نشوف فنّي الخنفشاري 😇 ...

قبل نبدأ بقولكم على شيء ، بتلاحظون أغلب الرسمات مو مكملة ، لأنو للأسف عندي طبع اني اذا وقفت رسمة مقدر اكملها وقت ثاني 😐 ، يا تخلص فجلسة وحدة ياتقعد ناقصة للأبد
الشيء الثاني انو أغلبها تكون مجرد أساس بالرصاص بدون تظليل أو تلوين
وهذا بسبب اني غالباً أخرب الرسمة بالتلوين فـ أندم ، فاللي تعجبني اخاف الونها وأخربها 
فتقعد للأبد بالرصاص فقط 😕 
عشان كذا حاولت أغمق بعض الصور حتى توضح الرسمة .. 

مطلوب مكمّل رسمات و ملوّن ياجماعة 😅


نبدأ برسمات الابتدائي 🙊


هالرسمة مشهد من حلقة كونان حبيتها كيف كانت بداية الصباح والشمس داخلة من اشباك و روج البنت أحمر
ورحت رسمتها وطبعاً بدون تلوين :)



هالرسمة اظن كانت شعار على كرتون أو شيء و عجبتني و حاكيتها ..



خربوشه مخربشه 😅


هبّة الأنميات ..


خربشة ليلة العيد ☺️


كمان أنمي ..
ملاحظة الرسمة عالدفتر اللي ماسكتو عجزت اعرف اش هيا 😅


وقت ماقالوا لي غيري عن رسم البشر وارسمي شيء طبيعي و كامل الصفحة ، هذا اللي طلع معي
وهذي من الرسمات اللي فعلاً أنا فخورة إنها لي بهالسن الصغير .. 💓


كانت بروفة عشان ارسم مقدمة دفتري بشكل حلو ومميز .. عجبتني وتركتها فالكراسة 


من رسمات الثانوي .. في رمضان


من رسمات الثانوي كمان ، وكمان مشهد من فيلم عجبني ورسمتو


خربوشة غير موفقه ، منعدمة الاتزان ، واضح كان في راسي فكرة ماعرفت افرغها في الورقة ..
#على فكرة الصورة للآن في راسي [ بنت ماشية قاصة شعرها فكتوريا قصير ومنزلة راسها وتتمايل لأنها تمشي ولابسه فستان مخصّر بياقة مرتفعه و دانتيل عالصدر ]


رسمة بسيطة ماشافت النور للأسف ، في بالي إنو الخلفية سوداء تماماً ، و لبس الراقصة اعبيه شريطه بيضا ساتان رفيعه بالعرض ، و خيوط كتان صفرا لشعرها ، لكن واضح إني قمت ومارجعت لها 🙃


عروصة اسلامية 😁
ماقدرت اتخيل لها ملامح ، تركت التركيز للشعر والتعاكس اللي فيه .. بس احبها ، من الرسمات اللي ولا غلطة
افكّر الوّن النقط اللي بالفيونكة بفوشيا فاقع 😈


رسمة محاكاة لرسمة فاشن ، واضح إني م اجمّع إما ازبط الملامح ويخرب الجسم أو العكس
واضح إني جربت ارسم ملامح و نظارة ومازبطت فتركتها بدون ملامح ..


تجربة لألوان الطبشور لو مزجتها بالمويا ، لمن ساحت كملتها حركة وكذا 😎


شرايكم بس
ممكن يسير اللوقو حقي ، يعني لطيف وبسيط ..


اللي فوق كانت لعيد الفطر ، وهذي لعيد الاضحى 😊


أنا متأكدة لو مارلين تشوف هالرسمة بتعتقد انها صورة مأخوذة بكاميرا احترافية من شدة الشبه 🙃


باستثناء الوردة اللي فشعرها ، ولو عيونها اصغر تكه كنت باعطيها ١٠/١٠
أحب تفاصيل هالرسمة


جلال الدين الرومي ، أو كما يُقال
أول محاولة رسم لرجل ، وأشوفها جيدة جداً


همممممممممم
مش بالمستوى بس جميلة ياخي
ناعمة و انثويه وكذا


تعديل للوردة الحمرا فوق 😁
حابه تدرج الوان البتلات ، ماكملت الاطار لسبب ما


الجمال بملامح مختلفه
على الرغم انو ملامحها شريرة ، بس فيها طيبة غريبة
بحبها


تجربة للفن الجرافيتي ..


باربي جديدة 🙊
حابه شعرها ، نتفة روج و رسم حواجب ، بس ملامحها جريئة و شابه


ميدالية ناعمة .. إيحاء الريش حابتو و الوانه كمان


من رسمات الثانوي ، فاكرة بالزبط متي وفين والجو اللي رسمتها فيه < 😢
بس لطيفة ..


خربوشة هندسية ..والعصفور منفّس 🤭



ما أعرف من فين جاتني الفكرة ، بس جميلة
من الرسمات القريبة لقلبي 💓



لو بتسألوني اش اكثر رسمة استمتعتي فيها بقول هالرسمة
بين اللي زبط واللي مازبط بس حلوه حلوه واحبها ..


البنت والأب ، العلاقة الأجمل على الإطلاق
صحيح بسيطة لآخر درجة ، ومافيها تأثير حقيقي بس تظل جميلة و عميقة .. 


وه ياللطافة
ودي اطلعها وابوسها ، لزيزا


لو عرفتي انو هريثيك روشان قبل تقرأين فأنا فنانه
لكن أنا عارفه إنك ماعرفتي .. هو أخوه بس مش التوأم .. 😁


أما إذا عرفتي انجين اكيوريك 
فأنت بطلة و أنا فنانه 🤓
ادري ماعرفتيه ، يعني هوا مش شبهو بس شب وسيم ماهيك ؟


هالرسمة رسمتها في الهوا الطلق تحت رذاذ المطر في حديقة عامة 
والناس تجي توقف شوي تتفرج ، شعور الفنان والله شعور لذيذ 😎


كانت تطبيق لدرس تظليل ، فيها أغلاط لليل
بس ملامحها حليوه تشفعلها يعني 🙄


بدون ما تخمنون
بدر آل زيدان آنا آسفه 
يعني أنا بطلت اقول انو كنت اقصد بدر
😬


من رسمات الثانوي
أحبها و أحب شعرها
كان أجمل لو العيون كانت طبيعية أكثر
بس احبها 🤤


آش المبدعة
هذي محاكاة لأحد رسماتها القديمة على شمواه
كانت بنت سمرا بشعر أحمر وعيون خضرا .. كان المزيج فضضضيع بالجمال


همممممم
ماتدرين شريرة و الا طيبة
بس ماهي احترافيه أبداً


مأساويه
بس حلوه ، لو شوية تلوين أو تظليل أتوقع بتطلع فانتاستيك 👌🏼


رمضان كريم 🌙


الأميرة بيلا ..


ريحة رسمة .. مافي رسمة


كمان من رسمات آش
مش زابطى أبداً


اوكى لو عرفتي إنها نور الغندور فأنت بطلة
يعني اتوقع لو كملتها بتكون جميلة وقريبة جداً لنور الغندور


كمان رسمة فاشن ، ممتع هالرسم بس يبغالو دِقة


رسم الأطفال الامتع دايماً
هالبيبي اتمنيت اكملو ، فاصيله حلوه وبخاطري اشوف ملامح البيبي اللي فمخي كيف شكلو


حلوه الحركة مو ؟
كنت متخيله اعمل الشعر واللبس وكلو بخامات حقيقية
لكن و كالعادة ماكملت
ماحبها 😐


في يوم ما قررت ارسم نفسي
وقفت قدام المرايا ورسمت وهذا اللي طلع معي 
وحدة م اعرفها 🙂


لطيفة مو ؟
احبها ولو انو فيها اغلاط شويا





🧐🤨


صورة وحاكيتها ..


اتحدااااك ماعرفتي انها اوبرا وينفري 😏
من ألطف رسماتي


من فيلم هندي ، علقت فمخي ورسمتها
لمن خربت عيونها فضلت اغطيها وطلعت حلوه ..


صورة حقيقية وحاكيتها
زي المأساويه اللي فوق بس بكمام بدل اللصقة :)


فاكرينها الهبّه ؟
نتيجة جميلة ، لمن بحط قلم رصاص بالنص تطلع متناسقة ..


تغيير عن البشر
حابه النتيجة ..


اتوقع عرفتوها 😏
قررت الوّنها بتطلع مرا حلوه لو زبطت ..


ميو ميو

كيوت ..


كنت قاصدة شخصية معينه نسيت مين هيا
بس يعني طلعت أختها ، من رسمات المتوسط ..


كمان كانت هبّه ، وحاكيت صورة ..


أجمل ؟


من رسمات الثانوي
كانت تحدي بيني وبين صديقتي ، رسمة موجودة وحاكيناها ..
حلوه فكرتها 


ماعرف واضحة أو لا ، بس بيبي لطيييييف
قررت ارجع ارسمو كمان بتحديد أكثر وبتلوين ..


باليالله واضحه
كمان بارجع ازبطها لأنها مرا حلوه
عبارة عن خدعة بصريه ، الرسمة الأساسية ورد وريش وفراشة
والإيحاء النهائي طرف وجه امرأة 


كمان مو باينه ..
بس بنت بزّي عاملة منزلية .. من الرسمات اللي بارجع اشتغل عليها إن شاء الله


💓


بينوكيو 😻


هالرسمة عبارة عن فكرة ، فكرت انو ارسم سفينه ماشية وقدامها القمر كبيييير
فـ بدل ماتكون عادية و مألوفة فكرت اعكسها ، كان المفروض القمر اعبيه واترك السحب بيضا حتى تعطيني ضوء القمر بعد العكس لكن حتى كذا جميلة ..


بعد العكس ..


و أخيراً رسمات ٢٠١٨
جا قرار العودة للرسم بعد انقطاع ثلاث سنوات
بدأت بآيسكريم الورد ..


فلامينقو
لوحة حالمة ..


خربشة عبيطة 🙄


وأخيراً دورا الجميلة ، رسمة طفولية استمتعت برسمها ..

كذا بتكونون اطلعتوا على مسيرتي الفنية كاملة .. إن شاء الله لو رسمت شيء جديد بارجع اضيفو
واتمنى ارجع ادرب نفسي وامارس واغوص في هالعالم ..

موهبة الرسم نعمة كبيرة مابغاها تضيع مني .. صحيح فترة الانقطاع أثّرت علي كثير 
م اشوف نفسي رسّامة قد م أنا هاويه 

" دمتم بسعادة "
❤︎





You May Also Like

9 التعليقات

  1. حنين ماهذا الجمال 😍❤️
    حلوة رسماتك والله وقرار كويس انك رجعتي للرسم مرة ثانية 👌
    تدوينة دمها خفيف

    ردحذف
    الردود
    1. حبيبة قلبي ميمي .. الجمال عيونك والله ❤︎🙈

      حذف
  2. ما شااء الله حبييييت رسوماتك مررررره 💓💓💓
    ودي أفهم ليه هالفنون توقف في مرحلة الثانوي والجامعة؟ 😭
    تقريبًا صار معايا نفس الشيء وحاليًا قاعدة أحاول أتدارك ما تبقى من هالمهارة 💔

    بس جد حقيقي ما شاء الله طلعتي فنانه من ورانا هااا 😍👌
    استمري حنين لا تقطعين 💖

    ردحذف
  3. ماشاء الله عندك موهبة رسماتك حلوة استمري في الرسم و لا تنقطعي عنه

    ردحذف
    الردود
    1. وش هالجمال ، تبارك الرحمن
      موهبة الرسم اتمنى اني املكها ، احس دائما الرسام رومنسي وحنون و رقيق
      ربي يسعدك وسلمت ايدك ولاتحرمينا من ابداعاتك💓

      حذف
    2. يسعدك ربي ❤︎ بمشيئة الله

      حذف
  4. مبدعة حنين، و موهبة أصيلة فيك، لو ركزتي عليها بتبدعين أكثر و أكثر ماشاءالله.
    بالتوفيق لك

    ردحذف
    الردود
    1. اتمنى اتفرغ لها فترة و اركز فيها .. يسعدك ربي ❤︎

      حذف
  5. رهيبة ياحنين ماشاءالله عليك ارجعي لازم والله تطوريها لنفسك لاتضيعها

    ردحذف