#وجبة | صينية الخضار والدجاج بالفرن ♣
" السلام عليكم ورحمة الله وبركاته "
صباحِك / مساءِك دلششز
شعور إنك تسوين لأهلك طبخة جديدة وينبهرون فيها جمييييل و رائع ، بالزبط نفس شعوري لمن سويت لهم هالصينية ..
صواني الخضار كثيييرة ومعتادة بس هالطريقة كانت جديدة علينا و طعمها يميييييييه
~ المقادير :
- خضار مقطعه مكعبات متوسطة " الخضار اللي تفضلينها "
استخدمت [ بطاطس - باذنجان - كوسا - جزر ]
* بالنسبة للكميّة حسب الصينية ، استخدمت حبتين كبيرة من كل نوع
- ٣ فلفل أخضر
- بصلة متوسطة
- ٣ بندورات متوسطة
- فيليه دجاج بدون عظم مقطع صغير ومسلوق
* ممكن تستخدمين دجاج مفروم
- بهارات [ ملح - كمون - فلفل اسود - زنجبيل مطحون - بهارات مشكلة ]
- حبة ماجي
- زيت
-٢ م ك معجون طماطم
- جبنة سايلة
- قشطة
~ الطريقة :
١ تبّلي الخضار بـ زيت و فلفل اسود و كمون و م ص بهارات مشكلة
ودخليها الفرن من فوق ، وقلّبيها باستمرار إلين تتحمر ؛ تاخذ ٤٠ دقيقة تقريباً
في هالوقت سوي الدجاج
٢ كشّني البصل و حطي عليه الفلفل الأخضر و الماجي وكمون وفلفل وبهارات مشكلة
٣ اضيفي الدجاج عليه وحركيهم
٤ بالخلاط حطي البندورة ومعجون الطماطم و نص كوب مويا ، واضيفيهم على الدجاج ،خليهم يتسبّكون
٥ اضيفي ملعقتين جبنة سايلة والقشطة وحركيهم
٦ اضيفي الدجاج على الخضار واخلطيهم مزبوط ، وغلفيهم بقصدير ودخليها الفرن من فوق بس ١٠ دقايق بس
~ ملاحظات الطبق :
* ممكن ماتسلقين الدجاج وتخلينه يطبخ مع الكشنة .
* ممكن تستغنين عن الدجاج ، جربتها وكانت لذيذة جداً .
* ممكن تحطين جبنة موزاريلا قبل تدخلينها الفرن آخر شيء ، تعطي شكل وطعم .
* ممكن تستغنين عن القشطة ، انا اكتفيت بالجبنة لأن القوام كان مزبوط ماحبيت ازيد شيء .
* ممكن تاكلينها بالملعقة وممكن تخلينها كساندويتش .
" وعافية ع قلبك "
❤
1 comments