قاعدة اللاتيه لتعامل راقي وتجنب المشاكل 💬 | LATTE
ياصباح و يا مساء كل الزين .. 🍃
راجعي شريط حياتك وجاوبيني ، هل سبق وتعرضتِ لموقف بأن غضب منك شخص بسبب خطأ فعلتيه له في مكان عام ؟ مدرسة أو في شركة أو في مول ؟
وهل ارتفع صوته وسار الكل يطالعكم 😐
لو تعرضتِ لمثل هالموقف وتصرفك زاد الطين بلّه فارتاح مو إنت الوحيد ، موظف في ستاربكس حصل له نفس الموقف
بعد اعطاءه للزبون طلبه عاد الزبون "ثاير ومعصب😡" وبدأ يصرخ بأن هذا الطلب مو طلبه و انهم ضيعوا وقته ووو
خوينا "اتبلعم" وفي رواية " بلّم " ولغير الناطقين بالسعودية سكت واتفاجئ وطالع بنظرات مفجوعة وماعرف شلون يتصرف 😳
كان كل مابرر السبب وحاول يرقعها يثور الزبون أكثر وصوته يعلى ..
من هنا ستاربكس طلعوا قاعدة اللاتيه latte ودربوا موظفينهم عليها لحسن إدارة مثل هالموقف
⦁ طيب إش تقول القاعدة وليش اسمها لاتيه ؟
لأن كل حرف يذكرك بالفعل المفروض تسويه وبالترتيب ..
" LATTE "
استمع / L= Listen ⦁
اعترف / A= Acknowledge ⦁
اشكر / T= Thank ⦁
تصرف / T= Take Action ⦁
اشرح / E= Explain ⦁
❞ باختصار هذا اللي لازم تسويه
1 / اسمع للعميل خليه يقول كل اللي بخاطره ، وطالع فيه ، وصّل له انك تسمعه ومركز معه .
2 / اعترف بكلامه وإن كان خطأ لاتعارضه بنفس الوقت لاتأيده .
3 / اشكره على ابلاغك .
4 / تصرف و افعل شيء ، بتعويض أو اصلاح للخطأ .
5 / اشرح اللي حصل بهدوء واختصار ، لأنه بيكون هدأ وارتاح وبيسمعك .
⦁ بهالطريقة ستاربكس ماراح تخسر العميل ، وراح تعطي انطباع للعميل نفسه والعملاء اللي كانوا موجودين انهم مهتمين ، وتحافظ على سمعتها من اللامبالاه و سوء المعاملة 👌🏼
# طريقة جداً ذكية ، سارت شيء اساسي ومعتمد في الشركات و المنظمات ..
كلنا راح نحتاج هالقاعدة في يوم ، سواء في مكان العمل أو الحياة الشخصية [ امك - ابوك - زوجك - صديقتك - جارتك ...]
الإنسان الغاضب صعبه مواجهته و إرضاءة ، خصوصاً لو في حضور اخرين ، من اللباقة والذكاء المحافظة على الحلم وإدارة الموقف وحله بطريقة تحفظ صورتك الجميلة و ادبك ويسير الموقف لصالحك حتى .
# وعشان ماتخسرين شخص عزيز عليك امتصاص غضب الاشخاص وضبط النفس شيء ضروري الانسان يتعلمه ويتدرب عليه ، ممكن تخسر عمل أو تنتهي علاقة أو تكبر مشكلة تافهه لهالخطأ البسيط .
و إن شاء الله ماتقعون في مثل هالمواقف 😁
❤︎
5 comments