جولة بين سمّاعاتي ( مميزاتهم و عيوبهم ) ♣
" السلام عليكم ورحمة الله وبركاته "
صباحِك / مساءِك سعادة
حبيت اشارككم رأيي فيهم ، واعطيكم ريفيو بسيط لو حبيتي تشترين وحده منهم
يكون عندك خلفية للي تناسب احتياجك ..
١| سماعات الأذن :
النوع المعروف و المألوف ، والغالب يمتلكها ، لها أشكال كثير بس أفضل منها
سمّاعات أبل ، قصتها وشكلها يركب على الأذن ويثبت " واضح متعقدة من هالشيئ لووول "
السماعة بيضاء ، فيها مايك بالجهة اليمنى ، تقدرين ترفعين وترخين بالصوت ، او توقفين المقطع
بضغطة من الوسط ، وبرضو لو ضغطتي مرتين ينتقل للمقطع الي بعده .
عيوبها : اسلاكها سريعة التشابك ، ووغالباً ماتباع لحالها ، وماهي عملية لو
بتشتغلين وتتسمعين .
٢| سماعات البلوتوث :
إختراع عجيب ، فك لي أزمات ..
بـ ٩٥ ريال ، من LG
فكرتها إنها تنشحن وتستخدم لاسلكي ، توصل مع الجهاز بالبلوتوث
مريحة جداً ومفيدة ، غالباً البسها قبل اخرج من البيت ماتضايق مع العباية والطرحة
وشكلها مرتب ؛ برضو لما اشتغل في البيت او اتحرك في مكاني كثير البسها
وجداً عملية خاصةً وقت غسيل المواعين أو ترتيب الملابس .
عيوبها : شحنها ما يطول ، بنفس الوقت ماتاخذ وقت ع بال تنشحن
شغلة إنك فاتحة البلوتوث بالجوال مدة طويلة يسحب الشحن سريع :(
شكل السماعة بالنسبة لي مو مره ثابت ع اذني .
٣| سماعة صغيرة مكبرة للصوت :
هالسماعة الجميلة اخذتها من أحمد عبد الواحد بـ ٩٥ ريال من PHILIPS
استخدمها كثير اذا كنا مجموعة في مكان صغير ، برضو آخذها معي في السفر
حجمها جداً صغير وخفيفه ، تشتغل بالشحن ( بشاحن الاندرويد ) وتطول مره على مايخلص شحنها
لكن تاخذ وقت لابأس به لما تنشحن .
عيوبها : لو رفعتي الصوت للأخير يتشوش ومايوضح مره " بالنسبة للي
فيها موسيقى او صوت خلفي "
4| سماعة كبيرة مكبرة للصوت STEREO :
من أهم السماعات اللي اشتريتها ، تقريباً هي ثاني اكثر سماعة استعملها بعد النوع العادي
اخذتها من محل الكترونيات كبير " م اتذكر اسمه " بـ 750 ريال من KARAOKE
ملحقاتها : شاحن ، مايك ، ريموت ، وصلة للتشغيل من الأجهزة (ايفون ايباد ... )
هي سماعة مدعمة بالليزر الملون ، تقدرين تشبكينها بأي جهاز
أو تشغيلين الراديو ، تدعم كمان القيتار
تقدرين تستخدمين اكثر من مايك ، فيها عزل للضجيج ؛ قد ماترفعين الصوت
يبقى صافي ، وعزل للصدى مع المايك ؛ تعطي جو مرا جميل للحفلات .
تاخذ وقت طويل وهيا تشحن ، بنفس الوقت تطول وهيا مشحونة .
المايك لاسلكي ، يشتغل بالبطاريات العادية .
عيوبها : ثقيلة ، وسعرها مرتفع .
ملحقاتها :
لها مقبض و كفرات تسهل نقلها ..
اضاءة الليزر قوية نوعاً ما ، وتتغير حسب الميوزيك الشغّال ..
لها مقبض و كفرات تسهل نقلها ..
دمتم بسعادة ❤
0 comments