#فيلم | إنسايد آوت أو زوتوبيا ؟ inside out or zootopia ♣
صباحِك / مساءِك جميل
مقارنة بسيطة لفيلمين انيميشن عائليّة من وجهة نظري ، و ممكن تتابعوها في الويكند ..
*المقارنة في اخر البوست
- نبدأ بـ inside out :
قصة الفيلم غريبة وغير عن المعتاد " فيها إبداع " تعجبني هالنوع من الأفلام ؛ دايماً خيالاتي تكون كذا "لوووووول"
الفيلم يتكلم عن بنت تنتقل من مدينتها عشان عمل أبوها ، وماتتقبل التغيير وتبغى ترجع مدينتها الأولى
وفي جوا راسها خمس أحاسيس مجسّمة ( الحزن - الفرح - الغضب - الخوف - الاشمئزاز ) وتتحكم هالأحاسيس الأساسية في حياتها بشكل مضحك ومسلي .
حبيت تصويرهم للأفكار والذكريات ، ع شكل مكعبات ، ومع الحزن تطيح مكعبات الأيام السعيدة وكذا
الفيلم اتعب وأنا أقول جميييييل وممتع ، ( للأمانة شبك ببالي إنو الخلايا والأعضاء في جسمنا كذا لوووول )
~ نوع الفيلم : كوميدي درامي مُحرك حاسوبياً ، ثلاثي الأبعاد
~ مدة الفيلم : ساعة و ٤٠ دقيقة
~ إنتاج : والت ديزني ٢٠١٥
- فيلم zootopia :
مع إن القصة مو غريبة لكن الفيلم جميل ، له هدف ورسالة يبغى يوصلها للناس
شبّه الناس الكبار وأصحاب المناصب بالمفترسين الي يشكّلون خطر على البقيّه
وبنفس الوقت الناس العادية شبّههم بالثدييات الي ممكن في يوم تصير مفترسه
ماعجبني فيه إنو بعض المشاهد كانت ظلاااام مو واضح شيء من المشهد
لكن يونّس مره .
~نوع الفيلم : اكشن - مغامرات - انميشن
~مدة الفيلم : ساعة و ٣٠ دقيقة
~إنتاج : والت ديزني ٢٠١٦
~التقييم : ٨.٤
الأفضل ؟؟
الفيلمين لهم نفس المستوى من الرسوم والإخراج ، طبعاً لأنهم نفس الشركة المنتجة
لكن من ناحية غرابة القصة يفوز إنسايد آوت
حسيت بمتعة أكبر وأنا اتابعه
دمتم بسعادة ❤
1 comments