ذوقيات و لأنك الله .. مراجعه لآخر كتابين قرأتهم | #تحدي-التدوين
السلام عليكم ورحمة الله
صباح / مساء الخير 💕
لازالت محاولاتي الفاشله حتي الآن في حُب القراءة مستمرة 🤓
وبالرغم من انها الهدف الأول اللي حطيتو في خطتي لهالسنة إلا إني مالتزمت برغم الطرق الكثييييير اللي جربتها لكن بدون فائدة للأسف ، الين استسلمت وقلت مابي اغصب نفسي على شيء ماتبيه 😞
وكان آخر كتابين قرأتهم [ لانك الله - ذوقيات ]
❜ لأنك الله
✦ يتكون الكتاب من ١٩٢ صفحة .. موجود pdf
من تأليف علي جابر الفيفي
يتناول الكتاب بعض من أسماء الله الحسنى بشرح مبسط لكن مليان عجائب مليان طمأنينة ، تقرأين وتغبش رؤيتك من الدموع بدون ماتحسين
تقولين شكراً يارب إنك ربي ، وإنك هديتني لك
شعور طمأنينة وراحة صدر عجييييبة وأنت تقرأين مدى قرب الله منك ، و قوته و رحمته ، كتاب لو قرأتيه وأنت مهمومه بتستتفهين همك ، وبيرتفع التفاؤل عندك والثقة بالله ..
حبيت أسلوب الكاتب ، الكتاب خفيف و لطيف ، واتمنى لو يكتب أجزاء ثانية لبقية الأسماء .
❜ ذوقيات
لأناقة الروح و السلوك
✦ يتكون الكتاب من ٣٩٥ صفحة مقسمة لـ ١٨ فصل .. من جرير بـ ٥٩ ريال
للدكتور . خالد صالح المنيف
يتكلم الكتاب عن الإتيكيت و ذوقيات التعامل ، في كل كل جوانب الحياة
مع الرب - مع الوالدين - مع الغرباء - اتيكيت الأكل - اتيكيت التواصل الاجتماعي ...
يذكرها على شكل نقاط .. حبيت التنسيق و الألوان واهتمام الكاتب بمتعة العين
الكتاب اشبه بدورة مدفوعة .. يمكن الفصول الأولى منه بديهيه وممله شوي بس صدق فيه نقاط نكون غافلين عنها .
اتخيل لو شخص يمسك فصل فصل ويطبق و يدرب نفسه ماينتقل من الفصل إلا وهو فعلاً سارت النقاط طبع عنده حقيقي بيكون شخص راااااقي جداً .
سعره معقول و يستحقه فعلاً
هذي مواضيع الكتاب ..
💬
الكتابين لسى ماكملتهم ، وصلت للنص بالمجاهد والطاخ والطيخ
ويارب اكملهم وزيادة
خطرت عبالي فكرة حلوة وأنا اكتب هالتدوينة ، لو إني اقسّم الكتابين واقرأ كل يوم فقط قسم ، بتكون أسهل وابسط ومابملّ
يارب تنفع وادمن القراءة 😩
الكتابين جميلين ، [ لأنك الله ] سمعته واصله ومابقي أحد ماضمنه في توصياته ، يمكن هالشيء يخليك تتوقعين شيء عالي وتنصدمين مثلي ، تقييمي للكتاب ١٠/٧
[ ذوقيات ] ماسمعت ولا قرأت عنه ، اخذته بتوصية من الكاتب نفسه ، كمان شكله واسمه بيخليك تتوقعين شيء ماقيد سمعتيه لكن هي أمور بديهيه مجرد إنو يسوي لك عليها هايلايت يذكرك فيها ، تقييمي للكتاب ١٠/٨
" قراءة ممتعه "
❤︎
3 comments