تطبيق Feedly ، مجلّة من التدوينات :)
" السلام عليكم ورحمة الله وبركاته "
صباحِك / مساءِك سعادة
متابعة المدوّنات وجديد المواضيع حاجة ممتعة ، لكن متعبة شوي ؛ لأن بعد حجب البلوق لوڤن في السعودية صار من الصعب إنك تعرفين جديد المدوّنات ولازم تدخلين مدونة مدونة حتى تعرفين نزلت تدوينات أو لا ..لكن من وقت طحت ع هالتطبيق وأنا مرتااااحة ، وأقرأ التدوينات أول بأول وبسهولة كمان
[ في السيارة - بين المحاضرات - في أوقات الإنتظار في الأماكن العامة ...]
الشيء الجميل فيه إنه يتيح لك إضافة المدوّنات اللي تتابعينهم وتحبينهم ، وهو يتولى إظهار جديد التدوينات ع شكل مقالات في مجلّة 😻
خلونا نشوف التطبيق مع بعض 👏🏼
● اسم التطبيق : Feedly
نحمّل التطبيق من الآب ستور [ التطبيق مجاني ]
آيفون : من هنا
اندرويد : من هنا
هذي واجهة التطبيق عند أول فتح ، اسحبي للأعلى من كلمة swipe للبدء
علامة عدسة التكبير للبحث عن المدوّنات ، وتحت يطلب منك التسجيل من خلال حسابك في قوقل أو الفيسبوك " غير إلزامي "
تخطي هذي الخطوة لو ماحبيتي ..
هنا في حال سجّلتي من خلال حساب قوقل ، اسمحي له لو كنت حابه .. ليش اسجل ؟ عشان لو دخلتي من جهاز ثاني أو حذفتي التطبيق ورجعتي حملتيه بتكون بياناتك محفوظة بمجرد تسجيل الدخول تستعيدينها ..
بعد التسجيل يطلع لك " التايم لاين " أو أحدث التدوينات ، طبعاً أنا ظهرت لي لأني سبق وسجلت وأضفت مدونات ..
لو بنضيف مدوّنة نروح لعلامة البحث اقصى أعلى اليمين ، نكتب رابط المدونة ...
بتلاقين تصنيفات تسهّل عليك عملية البحث عن مدونات بنفس اهتمامك ، لكن للأسف تدعم البلوقرز الأجانب فقط ..
بتطلع لك المدونة ، اضغطي عليها ... هنا مثلاً كتبت رابط مدونتي وظهرت لي ..
بتطلع لك آخر تدوينات المدوِّنة ، بشكل تقسيمات أشبه بالمقالات لكن مايظهر منها إلا جزء بسيط ، لو حبيتي تكملين التدوينة اضغطي عليها وبتفتح كاملة .. طيب لو ابغى أضيف هالمدوّنة لقائمة المتابعة حقتي ؟ بسيطة روحي لعلامة الزائد + أعلى اليمين ، وراح تطلع لك هالنافذة ، اختاري منها في أي تصنيف تبغينها تنحفظ ، وممكن تضيفين قسم جديد من الخيار اللي بالأسفل " Create new collection "
وبيطلع لكم هالمسج بوكس يقولكم إنو تمت الإضافة 👍🏼
من علامة " الصامولة " اللي جنب البحث تلاقين خيارات العرض ، التحديث ، إلغاء المتابعة وغيرها ...
كمان تلاقين أربع خيارات لعرض التدوينات .. تحت بعض بدون صور ؛ أو تحت بعض مع صور مصغرة ؛ أو صور متوسطة الحجم ؛ أو صور كبيرة .
في أعلى اليسار فيه ثلاث خطوط ، لمن تضغطينها تطلع لك هالقائمة واللي هي إعدادات التطبيق ، تلاقي فيها ...
● المجموعة الأولى : تدوينات اليوم فقط | التدوينات اللي اخترت قراءتها لاحقاً | والإكسبلور لتدوينات عشوائية من حول العالم
● المجموعة الثانية : تصنيفات المدونات ، وداخلها جميع المدونات اللي سبق تابعتيهم ..
● الخيار الثالث : لإضافة تصنيف جديد ..
● المجموعة الرابعة : خيارات التطبيق والعرض ؛ متشعبة وكثيرة تقدرين تطلعين عليها لو حبيتي ..
لكن فيه خيار جميل واللي هو " switch theme " هالخيار يتيح لك القراءة الليلة ، وهالشيء جداً مهم لتطبيقات القراءة 👌🏼
هنا شكل التدوينات وكيف ترتيبها في كل صفحة ، التنقل بين الصفحات يكون عن طريق السحب للأعلى أو الأسفل ...
● من مزاياه : إنك تقدرين تشاركين التدوينة مع التويتر أو الفيسبوك أو الإيميل وكثير تطبيقات ..
وتقدرين تحفظين التدوينات ع شكل قصة " story "
أو تزورين التدوينة في صفحتها الرئيسية ومن الرابط الأساسي للمدونة ..
● العيوب : اشوف فيه عيب واحد بس لكن فادح ، وهو إنك ماتقدرين تعلّقين ع التدوينات :(
وعيب ثاني بسيط وهو إنك ماتقدرين تعملين قائمة للقراءة بدون انترنت .
لكن بشكل عام التطبيق جميييل وكنّا نحتاجه من زمان
لكن بشكل عام التطبيق جميييل وكنّا نحتاجه من زمان
" دُمتم بسعادة "
❤
13 comments