#عودة سعيدة سلسلة الجامعة للمستجدّات | الملابس والتنسيقات ، طلّاتك أنيقة وناعمة ♣
" السلام عليكم ورحمة الله وبركاته "
صباحِك / مساءِك أنيق
ثاني موضوع من السلسلة عن تجهيز الملابس والتنسيقات ..
هالشيء جداً مهم ، طلتك وكشختك وإهتمامك تعطي إشارات مسبقة للناس عن شخصيتك
ماننكر إننا ننجذب دائماً للشخص الأنيق أكثر والمهتم بنفسه ، ونحب نكوّن صداقاتنا ع هذا الأساس بالبداية
في نفس الوقت عندنا قوانين وشروط لازم ننتبه لها ..
عموماً من خلال تجربتي باعطيك الزبدة ومابـ " تندوشين " بإذن الله
بالبداية لازم تعرفين جامعتك إش قوانينها ..
بعض الجامعات تسمح بالبناطيل
وبعضها تسمح بالنص كم والألوان عادي
وبعضها تحدد لك كم طويل وألوان محددة
وممكن تخصصك يكون زيّهم الرسمي سكراب ( لو تخصصك فيه معامل غالباً سكرابات )
* فقبل ماتشترين إسألي عن لبس الجامعة اللي حتداومي فيها وعن ضوابطها
ثاني شيء :
اعرفي الممنوع في الملابس ، غالباً يكون :
- التنورة القصيرة ، بحدود ثلاث أصابع يبان من الساق عادي ..
- الأكمام القصيرة ، إلى فوق الكوع عادي ..
- الملابس الشفافة ، هذي مافيها كلام عاد ..
- الصدر المفتوح ، برضو مافي نقاش ..
خذي الأساسيات في أول سنة ، ولاتهتمين بالكشخة ١٠٠٪ ، عادي كلنا أول سنة نهلّق هلاقة مو طبيعية
لكن لاتخلين لك ماضي أسود خلّي لبسك رسمي ومرتب ؛ وعينك بتألف الملابس والتنسيقات
وبتنسّقين بعدها بكل سهولة ..
~ إش الأساسيات :
* بالنسبة لجامعتي ممنوع البناطيل ، بس ماتحدد ألوان معينة بالملابس فباتكلم ع هذا الأساس :
مُجمل مشترياتك بتكون كشكل مبدئي
⬅︎ ٣ تنانير
[ أسود - جينز - بيج أو طحيني - رمادي ]
⬅︎ ٧ قمصان تقريباً
" حاولي تكون سادة عشان تقدرين تنسقين عليها "
[ أسود - أبيض - سماوي - وردي - أحمر - تفاحي - بنفسجي ] وممكن تضيفين عليها جينز فاتح
⬅︎ جاكيتين رسميّة
" مانجو و زارا جاكيتاتهم واقفة مره تعطي رزّه "
[ أسود - بيج ]
⬅︎ ٣ تيشرتات
" تقدرين تلبسينهم لحالهم أو تحت الجاكيتات أو مع سكارفات "
[ الألوان مفتوحة حسب إختيارك ]
⬅︎ بديهات " إش تسمونها ؟ "
المهم خذي الألوان الأساسية عشان تحتاجينها تحت البلايز الشفافة أو اللي صدرها مفتوح
⬅︎ الجزم " أكرمكم الله "
خذي سبورت بلون مُحايد رمادي مثلاً أو زيتي أو أزرق
وخذي سنيكرزات مثلاً بني و أسود و أبيض
يعني عموماً راعي إنها تكون تليق ع كثير ألوان و بنفس الوقت مريحة لأبعد درجة لأنك بتمشين مشي مو طبيعي في الجامعة ..
# مو لازم كل هذا تاخذينة بوقت واحد ، كل شهر انزلي وخذي تنورة وقميص وتيشيرت وجزمة
بحيث إنك بتطلعين بلوكات جديدة كل فترة مع التنسيق بين الملابس .
~ التنورة السوداء
هذي أهم شيء ، بتحتاجينها ع كثيييير بلايز
أهم شيء إختاري قماش قطن متين مره مو طايح " عرفتوه ؟ "
أو خذي أي قماش بس مو واقف أو قاسي زي الجينز انتبهي ..
تناسب الطلات الناعمة ، ولو دوامك طويل بتكون مريحة مره
# أنا أخذت من سُنبل ، وفيه عند في في و براندو كمان ، حلو تكون ماسكه عالجسم شوي .
هالتنورة تليق ع كل البلايز والقمصان تقريباً وممكن ثلاث أرباع أيامك بتكونين لابستها
لاحظي في الصورة البلايز كلها سادة وناعمة ، ممكن سلسلة صغيرة أو كبيرة تغيّر بالشكل .
~ تنورة جينز فاتح و غامق
برضو بتطلع حلوه على البلايز اللي ألوانها فرايحية ، وللطلات الأنيقة بس غالباً حارة ومو مره مريحه تنفع لأيام الشتاء
# أخذت حقتي من لاود وكانت ممتازة جداً ، وكمان ستراديفاريوس ممتازة
~ تنورة بيج أو طحيني
هي إختياري لكن بجد تطلّع طلاتك جميييلة جداً
# برضو أخذتها من لاود
~ تنورة رمادي
تليق ع جميع الألوان وتعطي لوك صباحي أكثر من التنورة السوداء .
هذا اللي تحتاجين من التنانير ، لو حافظتي عليهم ممكن تقعد معك سنتين مايحتاج تغيرينها
فخذيها غالية نوعاً ما ولاتستخسرين عليها .
أهم شيء عشان تطلع التنورة حلوة عليك إختاري مقاس مزبوط عليك وحلو تكون من تحت ضيّقة نتفه
بس لاتضيقينها لدرجة ماتقدرين تمشين إنتبهي "واضح أكلتها قبل"
~ خلصنا من التنانير نجي للبلايز والتيشرتات ..
الخيار قدامك مفتوح ، لكن ركزي عالناااااااعم ؛ كثير نشوف بنات لابسين ملابس تنفع لزيارات وخرجات مو لدوام
لازم تعرفين تختارين ، باعطيك نماذج حاولي تحاكينهم ..
من اليمين : بلوزة بيضاء سادة وجاكيت لحمي سادة ودعمت اللوك بسلسال كبير ؛ جداً أنيق وناعم
الوسط : قميص أبيض و بلوزة صوف رصاصي غامق وسلسلة عالرقبة
اليسار : نفس اللي قبله بألوان مختلفة
* نلاحظ إنو كلهم سادة واعتمدوا ع السلاسل لحيوية اللوك ، وكل قطعة منهم تقدر تلبسها ع قطع ثانية وتطلع بطلّات مختلفة تماماً ، يعني العبي بالإكسسوارات وادمجي القطع 👍🏼
ولا أسهل ، مستحيل ماعندك هالقطع في دولابك ، سلسلتين و ساعة وخلخال وبيصير اللوك حيوي
يعني لو اللبس عادي كمليه بالإكسسوارات والشنطة والشوز والشعر أكيد وبتكونين صاروخ 🚀
~ بالنسبة للكماليات :
[ سكارفات ملونة - سلاسل طويلة - بروشات ناعمة - وممكن كمان كارديغانات ]
وتأكدي إن الإكسسوارات تغّير بشكل اللبس ١٨٠ درجة فلا تهملينها .
~ عموماً :
البساطة والنعومة شيء أساسي ؛ الدوام يحتاج لبس مُريح خصوصاً مع الحر والأيام الطويلة .
تقدرين تطلّعين من كل قطعة عّدة طلّات مختلفة ، بس إهتمي بالتنسيق وتركيب القطع ع بعض .
مو شرط الغالي يكون كشخة ، و مولازم دولابك فيه ٦٠٠٠ قطعة وكلهم ماركة ، الذوق والجمال موجود بالغالي والرخيص .
خلّي لك ستايل خاص ولاتحاولين تقلدين أحد أبداً ، وتذكري إنك بجامعة مو بعرض أزياء .
و حلو إنك مرة كل فترة تداومين بشكل مختلف وتتكشخين بزيادة حبتين ، تسريحة وااو ولبس وااو كمان ونقطتين ميك أب من باب التغيير .
# في الأيام الجاية إن شاء ربي راح أنزل لكم تنسيقاتي الخاصة :)
" دمتم بـ أنآقة "
❤
تابعوني على :
10 comments