#حلا | كيك الزبادي بطبقة التشيز المقرمش ♣
" السلام عليكم ورحمة الله وبركاته "
صباحِك / مساءِك لزييييز
من يومين سويت كيكة قوامها غريب ، م اعرف تصنف كيكة ولا حلى ؛ بس الزبدة إنها كانت لذييييذه
حبيت اشارككم الوصفه و يارب تعجبكم ☺
~ المقادير :
أ| الكيكة
علبة زبادي ( روب )
٣ بيضات
نص كوب زيت
كوب سكر
رشة فانيلا
------
كوب وثلاث ارباع دقيق
ملعقة كبيرة باكينج باودر
ب| الطبقة المقرمشة
كوب نارجين
نص كوب لوز مبشور ( انا استبدلته بعين الجمل )
نص كوب شوفان
نص إصبع زبدة ( ٥٠ جرام )
ج| طبقة التشيز
علبة زبادي
نص كوب سكر
بيضة
٤ حبات جبن كيري
كوب حليب بودرة
رشة فانيلا
~ الطريقة :
١| نخلط الجزء الأول من مقادير الكيكة بالخلاط
ونخلط الجزء الثاني على جنب
نضيف الخليط الأول على الثاني ونخلط بالخفاق اليدوي
ونصبها في صينية التشيز تكون مدهونة بالزيت مسبقاً .
٢| نخلط مقادير الطبقة المقرمشة عالنار ، نبدأ بالزبدة إلين تذوب وبعدها
نضيف باقي المقادير ونحرك إلين تتشقر
نرفعها ونضيفها كطبقة ثانية على خليط الكيك
وندخلها فرن مسبق التسخين ، من الأسفل ١٨٠م ، إلين تحمر أطرافها
ونختبر استواءها بعود ، ونخرجها ( اخذت معي ٣٠ دقيقة تقريباً )
٣| نخلط مقادير التشيز بالخلاط
ونضيفها على الكيكة ونرجعها للفرن بس من فوق لين تتماسك ( لكن ماتتحمر )
نتركها تبرد ، بعدها نزينها بالي تحبون ، ممكن توفي أو شوكولاته او تبقى سادة .
و بالعافية على قلوبكم ❤
0 comments