👩🏻‍🍳 الطريقة و المقادير :

- أول شيء نغسل الجريش وننقعه في ماء ساخن “حطيت ٣ أكواب جريش وغطيتهم بالمويا ” لمدة ساعتين ..

- في قدر الضغط كشنت بصلتين وحطيت عليهم ٦ أكواب مويا ساخنة و الجريش المنقوع، وقفلت عليهم لمدة نصف ساعة بعد مابدأ يصفّر، على نار هاديه ..

- بعد نص ساعة نفتح القدر ونشوف النضج، انا زدت كوبين مويا ورجعت قفلته ربع ساعة ..

- بعدها حطيت رشة فلفل أسود و ملح و م ك كمون مطحون و ٥ أكواب لبن سايل ورجعت قفلت عليه ربع ساعة ..

- وبكذا استوى الجريش 

بقي الكشنة...

👩🏻‍🍳للكشنة :

- ٤ بصلات وسط قطعتهم شرايح رفيييعه، نكشنهم بزيت كثير شوي “أكثر من زيت الكشنه العاديه تقريباً ثلث إلى نصف كوب” حتى يسير لونهم ذهبي

- نضيف لهم ٢ م ك معجون طماطم، و م ص بهارات مشكلة أو بهارات المسمنه، و رشة ملح و فلفل أسود

- نقلبهم عالنار دقيقتين ونرفعهم

- ممكن نضيف زبيب لو حبيتوا.. .

وبالعافية 😋💓