فلسفة الجمال | ملامح أو جاذبية أو كاريزما 💬🧚♀️
أهلاً أهلاً ..
يسعدك صباحك ومساك 🐚✨
بكُل فلسفة كتبت هالتدوينه ، وبكل روقان لازم تقرأينها
فـ ياحبذا تكونين جالسة جلسة مريحه ، ومعك مشروبك اللذيذ ..
💆🏼♀️🍹
💆🏼♀️🍹
الجمال يصنف ضمن أولى أولويات الإنسان على مر العصور [ مع المال و المكانه الهاي هاي ] 😎
مافي أحد مايحب انو يكون جميل ، ويسعى لجمال أكثر ، ويحافظ على جماله ،، شيء طبيعي
طب اللي عنده مال بس ماعنده جمال اش يسوي ؟
يسوي عملية تجميل 😁
وبطبيعة الحال النساء أكثر هوساً للجمال ، وراه ؟
لأنها صفة انثويه
ولأنها تجلب الأمنيتين الثانيه 🙃
💬 حصل وسألتي نفسك أنا جميلة والا لا ؟
CUT 🎬
لحظة اش هوا الجمال أساساً ؟ و مين الجميل ؟ و إش هي المعايير اللي تخليني أعرف اصنّف نفسي جميلة أو لا ؟
تختلف نظرة ومفهوم وتفكير كل إنسان للجمال ، وبالحقيقة هو شيء شبه وهمي ، إزااااي !؟
تعالوا نتفلسف 🤓
كُل النساء جميلات ..
وبدون نقاش ، أنت جميلة ، ربنا أعدل من انو يخلي ناس جميلة وناس لا
السر في نوع الجمال
لو كان الجمال نوع واحد
وربنا عادل مابيخلي أحد جميل و أحد مسلوب الجمال
= يعني الناس كلها جميلة وضاع معنى الجمال
#نظرية مقنعه مو ؟
عشان كذا ربنا خلق ثلاث أنواع للجمال وكل إنسان فالكون لايخلو من واحد عالأقل من هالثلاث ..
جمال ملامح .. جمال جاذبية .. جمال كاريزما " أو شخصية "
مهلقا - نادين - لجين
هالشخصيات هم الأبرز في مجال الجمال ، مع انو ملامحهم متناقضة ، خمنوا نوع جمال كل وحده ..
❜ جمال الملامح : كل ملمح مرسوم بالملّ ، العين جميلة الانف جميل الفم جميل " زي ملكات الجمال " .
❛ جمال الجاذبية وفي روايه "ملح وقبله" : الملامح عاديه وممكن تكون أقل من عاديه ، لكن توليفة الملامح و تركيبتهم سوا سارت متناسقة وجذابه بدون ماتعرفين فين السر " احلا نوع بالنسبة لي "
❜ جمال الكاريزما : الجاذبية متركزه كلها فالشخصية ، روحها حلوة شخصيتها محبوبه وبارزه و ثقتها عالية وعندها هالة جميلة مع انك اذا اتأملتيها تقولين ملامحها مو حلوه ولا جذابه بس هي جميلة " زي عارضات الأزياء " .
مهلقا جمالها من النوع الأول ، كل ملمح لحاله جميل ، لكن مش الجمال المبهر .
نادين جمالها من النوع الثاني ، تصنف عاديه ، ملامحها منفصله مو حلوه أو مو المثالي بالأصح ، لكن اجتماعهم سوا اعطاها تناغم " هالجمال يحتاج ابراز وخبرة ، بدليل انك اوقات تشوفين لها صورتين ماتصدقين انها لنفس الادميه لكن عرفت لنفسها أكثر فقط " .
لجين جمالها من النوع الثالث ، متركز ومعتمد على شخصيتها ، مع انو ملامحها قد تصنف أقل من عاديه ، لكن كاريزمتها عالية خلتها جميلة .
و ممكن كثير نلاقي اشخاص يملكون أكثر من نوع جمال
( ملامح وجاذبيه ) يعني صواريخ 🚀🤤
غالباً عند الأتراك والعرب
(جاذبيه وكاريزما ) 👌🏼 الأفضل
غالباً عند الغرب والاوروبيين
( ملامح و كاريزما ) ماقيد صادفتهم اجتمعوا 😅
الجمال عطية مو شيء مكتسب ، يعني لو تناقزين مابتاخذين غير اللي انولدتي فيه ، فـ اكتشفيه وعززيه و ادعميه بالثقة
و أكيد حافظي عليه
لأن عمر الجمال مايدوم بدون اهتمام بدون عناية ومحافظة ..
لو جمالك ملامح فالحمدلله حافظي عليه ( اذكارك - واقي شمس - أكل صحي و رياضة - ...) وادعميه ( أناقة - ثقافة و روح حلوه وابتسامة ...)
لو جمالك جاذبية فالحمدلله و كمان حافظي عليه وادعميه ( اعرفي لنفسك رسمة عينك إش يحليها - شكل وجهك أي قصة شعر تناسبة - الألوان اللي تلبق لك ...) بيدك تكون بدرجة جميلات الملامح وبيدك تكونين مع الأقل من عاديات بس يفرق الذكاء
لو جمالك كاريزما فالحمدلله وأكيد أنت مميزة لأن هالجمال ماينملّ منه زي الملامح والجاذبية اللي يحتاجون تجديد و نيولوك باستمرار لنعنشة جمالهم ، لكن كمان ادعمي جمال بـ ( صحة و رياضة و ذكاء لبس ... )
💬
فيه معلومة مهمة عن الجمال ..
الجمال يتقادم ، أو يُمتص
يعني ؟
كل إنسان مايشوف جماله ، لأنه اتعود على نفسه من وهو صغير يشوف نفسه
الممثله اللي ظهرت وكسرت الدنيا بجمالها وبعد فترة انطفأ وماعدنا نشوفها جميلة
والبنت اللي معك فالكلاس ابهرتك أول ماشفتيها ومع الأيام اكتشفتي انها عادية
والرجال لمن يتزوجون جميلات لجمالهم فقط وفترة وينفصلون لأنو امتص واتعود على جمالها فماعادت عينه تنبهر نفس أول مره ..
عشان كذا الجمال وحده مايكفي
قد تكون جميلة لكن اخلاقها ❌
قد تكون جميلة لكن ثقافة وذكاء ❌
قد تكون جميلة لكن هيلقيه ❌
تعالوا نشوف جمال المشاهير و ايقونات الجمال
جمال جاذبية ..
من أكثر الناس اللي ملامحهم مو حلوه بس تضل جميلة وطلتها حلوة
جمال جاذبية
كمان روز ملامحها باردة وشاحبة بس تعرف تطلّع نفسها حلوة ..
جمال جاذبية
ملامحها عادية بس هي مملوحه حيييييل ..
جمال كاريزما
من أبرز جميلات الكاريزما اللي لناس قايمة قاعدة ماتدري جمالها فين .. 😅
جمال جاذبية
هيا من البنات اللي تهتم بشكلها واناقتها ، وبسيطة جداً هالشيء مساعد فجاذبيتها ..
جمال جاذبية
ممكن وكثير تلقين لها صور مو حلوة بالرغم من تناسق ملامحها ، لو ماعيونها ماظن بتطلع جميلة كذا ..
توبا يا توبا
صورة جميلة جداً وصورة بشعه جداً ، جمال جاذبية أكيد خمنتوا ..
جمال جاذبية ✨
كمان جمال جاذبية
لو تسيب بوتكس الشفيف بس 🤦🏻♀️
جمال كاريزما ..
جمال ملامح ..
على الرغم من انو ملامحها منفردة جميلة بس مافيها جاذبية أو شيء يشد عينك ..
جمال كاريزما
عني أنا ماشوف فيها شيء جميل بس العالم منهارين عليها ، واضح انو كاريزمتها عالية مجملتها ..
جمال ملامح و جاذبية
آحب ملامحها 🤤
هممممم
جمال جاذبية
اذا تجاهلنا رموش رجول العنكبوت 😛
جمال كاريزما وجاذبية
أرهقت العالم بجمالها ولو انو لمن نتتأملها مافيها زود ..
جمال كاريزما
دائماً ملفته على الرغم من انو ملامحها عادية أو أقل من عادية ..
جمال ملامح
الانسانة اللي عكس الناس الميكب يخفي جمالها
جمال ملامح
دائما ملكات الجمال ملامحهم بالمسطرة تبارك الله لكن جمال مايمتع عينك .. " برأيي "
جمال ملامح .. ✨
جمال جاذبية ..✨
🤤 جمال ملامح و جاذبية
جمال كاريزما
ننوسه جننت العالم ، ماتخمنين إش اللي جاذبك فيها على الرغم من ملامحها الأقل من عادية ..
كعادة ملكات الجمال
جمال ملامح
كمان طعمه شخصيتها
جمال ملامح و جاذبية
سبحان الله مع ذلك كاريزمتها ضعيفة ، لو تتابعين لها مسلسل تستمتعين بجمالها لكن يضل جمالها فيه شيء ناقص الأغلب يتفق عليه
بس جمالها يخليك تسبحين خالقها 🤤
جمال ملامح و جاذبية
أحب الجمال المصري ♥️
جمال جاذبية
من أبرز النماذج اللي ملامحها عادية بس عرفت لنفسها وسارت جميلة وأيقونة فالجمال
صح استعانت بعمليات تجميل بسيطة و بشكل معقول ..
آه يا ألبي 💔
جمال جاذبية
حطيتها آخر شيء عشان تقفلون التدوينة وتكملون تسبيح
جمالها بين الطفولي وبين الأنثوي الشبابي
حتى الصور ظالمتها شوي ، بالفيديوز يتدبل الجمال مع النظرة و الكلام
💬
بالنهاية ، كلنا جميلين إذا كنا واثقين من نفسنا
إذا كنا مؤمنين بجمالنا
إذا عرفنا نبرز انوثتنا
إذا عرفنا نتأنق بما يناسبنا
وعرفنا نقاط قوة جمالنا وابرزناها ، ونقاط ضعفه و واجهناها ورضينا فيها ماخبيناها و استحينا منها
شوية تفكير و قناعة وثقة 👌🏼
طب في حياتنا الواقعية نشوف ناس بشعة !
إيوا اللي تبهذل نفسها وماتهتم بشكلها ونظافتها وطلتها لو كانت أجمل الجميلات بتطلع بشعة
مايمنع تقويم أسنان ، مايمنع عملية نظر ، مايمنع تبييض أسنان ، مايمنع تعديل إنحراف الأنف ، تجمّلوا حسب حاجتكم
بالنهاية الموضوع مو شيء جدي ، فلسفة مخي قسمتهم بهالشكل
وسرت حتى بالأماكن العامة اقسّم البنات حسب أنواع جمالهم 😅
هممم إش نوع جمالكم ؟
" دمتم بجمال "
❤︎
17 comments