نصف القمر | توست بالدجاج ❥
" السلام عليكم ورحمة الله وبركاته "
صباحِك / مساءِك جميل
فطائر نصف القمر أو جيب التاجر 😅 " زي مالبعض يسميها " من أكثر الوجبات الثانوية لذاذة وتشبّع ، مع إنو طريقتها تاخذ وقت وشغلانه شوي بس النتيجة تستاهل
متأكدة أغلبكم يعرفها ولو ماتعرفينها لازم مايخلص رمضان إلا وإنت مجربتها ..
❝ المقادير :
(أ)
توست
بيض
بقسماط
(ب)
بصل - فصين ثوم
٤ صدور دجاج مقطع مربعات صغار
٢ جزر مبشور
٣ فلفل رومي مربعات صغيرة
ملح - كمون - فلفل أسود - ماجي
(ج)
قشطة - م ك جبنة سايلة
(د)
خس حسب الكمية
❝ الطريقة :
١/ نحط حبتين توست ع بعض ونفردهم بالنشابه بعدها نقطعهم بشكل دائري بالقطاعه أو بطرف كوب
٢/ نغمسها في بيض مخفوق
٣/ نغطيها كاملة بالبقسماط
٤/ نقليها بزيت غزير وحار
٥/ نتركها تبرد وبعدها نقسمها بالنص ونفتحها بشويش بدون لاتنفك
نتركهم الين نخلص الحشوة
❝ الحشوة :
١/ نكشن البصل الين يسير ذهبي ونحط الثوم الين تطلع ريحة الثوم
٢/ نضيف الدجاج + الفلفل الأسود + الملح
نرخي النار ونتركه يستوي على مهل الين تنشف موية الدجاج تماماً
بس لازم تحريك مستمر حتى ماينحرق
٣/ نضيف الجزر والفلفل الرومي + الكمون و الماجي
نحركهم إلين تذبل ونقفل النار
٤/ نضيف القشطة والجبنة ونحركهم مزبوط
❝ أخيراً :
في كل نصف دائرة نحط شريحة خس وشوية حشوة ونرصهم في صينية التقديم
وبالعافية :)
" دُمتم بـ جمال "
❤
4 comments