ثَرثَرةْ | كيف تعطين كل شيء حقه , وتستمتعين بحياتك , وترضين عن نفسك ♣
" السلام عليكم ورحمة الله وبركاته "
صباحِك / مساءِك رِضا وراحة
وجودنا بالحياة شيء مو إختياري , لكن إختيارنا هو كيف نعيش هالحياه ؟
مافي إنسان تعيس وإنسان سعيد , في إنسان إيجابي وعايش حياته بفرح وتفاؤل , وثاني عايش بسلبية وهم , حتى لو فرح يطلّع من هالفرحة ميّة عذروب نكدي !
الإنسان الإيجابي و النكدي عايشين عمرهم عايشين , لكن بالنهاية هو الوحيد المستفيد أو هو الوحيد الخسران ..
من وجهة نظري إذا ابغى أكون سعيدة أهم شيء إني أكون راضية عن نفسي 90% عالأقل , وطز في باقي الناس
* طيب السؤال المهم الآن : كيف اعوّد نفسي أحب الحياه عشان أكون راضية عن نفسي وسعيدة ؟؟
# سر الرضى هو إعطاء كل شيء حقه , عشان ماتحسين إنك مقصرة وتفتكين من تأنيب الضمير ..
الأشياء الثلاث الأساسية في حياتك هي : ربك ودينك قبل كل شيء , والدينك ثانياً , ونفسك ثالثاً ونقطة .
" عن أبي جُحَيْفَةَ وَهْب بن عبدِ اللّه رضي اللّه عنه قال:
آخَى النَّبِيُّ صلى الله عليه وسلم بَين سًلْمَانَ الفَارِسيِّ وأَبي الدَّرْدَاءِ . فَزَارَ سَلْمَانُ أبا الدرداءِ، فرأى أمَّ الدرداءِ مُتَبَذِّلَةً، فقالَ: " ما شأنُك؟ ". قالت: "أخوكَ أبو الدرداءِ ليس له حاجةٌ في الدنيا".
فجاء أبو الدرداءِ، فَصَنَعَ له طعاماً، فقال له: "كُلْ، فإِنِّي صائمٌ ". قال: "ما أنا بِآكلً حتى تأكلَ ". فأَكَلَ.
فلمّا كان الليلُ ذَهَبَ أبو الدرداءِ يَقُوم، فقال له: "نَمْ ". فَنَامَ. ثم ذهب يقوم، فقال له: "نَمْ ". فلما كان مِنْ آخِرِ اللَّيْلِ قال سلمانُ: "قُم الآنَ ". فَصَلَّيَا جَمِيعاً.
فقال له سلمانُ: "إِنَّ لِرَبِّكَ عليك حَقًّا، وإِنَّ لِنَفْسِكَ عليك حَقًّا، ولأهْلِكَ عليك حَقًّا. فَأَعْطِ كُلَّ ذِي حَقٍّ حَقَّهُ ".
فأتى النبيَّ صلى الله عليه وسلم فذكر ذلك له، فقال النبيُّ صلى الله عليه وسلم :"صَدَقَ سَلْمَانُ ".
- رواه البخاري "
~ دينك :
أمور الدين بسيطة لكن الشيطان مهولها علينا , تفاصيل صغيرة تتعودين عليها حبة حبة في حياتك وبس , مثال :
ــ في المسا وفي الصباح أول ماتصحين قولي ( الحمد لله الذي احياني بعدما أماتني و إليه النشور\المصير ) أو ( الحمد لله الذى رد روحى وعافانى فى جسدى واذن لى بذكره ) .
ــ إبحثي عن صفة الوضوء الصحيحة ( مادرسناها إلا مره في ثاني أو ثالث إبتدائي فاعتقد أفضل إنك تبحثين وتعرفين إش الواجب و إش الزيادة بالزبط ) قولي بعد الوضوء ( أشهد أن لا إله إلا الله وحده لا شريك له، وأشهد أن محمدا عبده ورسوله ) , و نفس الشيء مع الصلاة , وإخشعي بصلاتك عشان تاخذين أجرها وتجيلك الراحة المنشودة من الصلاة .
* في محاضرة لإبراهيم الفقي قال عبارة بسيطة غيرت فيني كثير ( إذا صليت صلي صح , وإذا درست ادرس صح , وإذا اكلت كل صح ) فعلاً لاتضيع وقتك وإنت سويت وماكأنك سويت ؛ وهالقاعدة تكون أهم و أهم مع أمور الدين .
ــ اتعودي على أذكار الصباح و المساء , حبّي نفسك وحصنيها لأنك مليانه بالحاجات الي الناس تحسدك عليها .
ــ صلي الوتر وادعي بكل الي تبغين , و عودي نفسك على صلاة الضحى سواء بإجازة أو دوام .
ــ الأذكار الزمانية والمكانية احفظيها وردديها ( الخروج من المنزل - دعاء المكان - وقت المطر - الاستغفار في الاسحار , سنن الصلوات , الكهف في الجمعة ...) , بسيطة ماتاخذ منك شيء لكن في صحيفتك مو بسيطة بإذن الله .
ــ دخلي في حياتك عادات دينية بسيطة وإلتزمي عليها مثلاً ( إشتركي في خدمة الصدقة اليومية في شركات الإتصال 40 هللة يومياً ) اتكلموا عنها كثير مفتين وقالوا إنها مضمونة وجائزة , واجرك إنكتب بمجرد النيّه بإذن الله ؛ أو ( اقري صفحة من القرآن في اي 10 دقايق من يومك ) والخيارات قدامك مفتوحة .
#حطي_ببالك : ثلاث أرباع راحتك النفسية بتكون من دينك , سوي كل الي تبين بدون ما أحد يلاحظ , وقعها على النفس غير سبحان الله , وكل ما أتعودتي على مجموعة عادات جددي بمجموعة جديدة .
~أمك وَ أبوك :
لو أمك و أبوك جيدين معك فمن باب الإيمان و باب الإحسان إنك تبرين فيهم , ولو أمك و أبوك مو جيدين معك فمن باب الإيمان إنك تبرينهم .
في كل الحالات أمك و أبوك هم كل شيء في حياتك وهم سندك بعد الله , لو ماكنتي سبب فرحتهم لاتكونين سبب حزنهم , و إتأكدي حاجات بسيطة منك تعني لهم كثير , مثلاً :
ــ جلسة السوالف العصرية او المغربية تقربك منهم كثير ( لي صديقة تقولي لما أجي من الدوام اعطي أمي موجز الأخبار وباليل اعطيها النشرة كاملة ) .
ــ الهدايا بمناسبة أو بدون مناسبة لها وقع كبير للأم و الأب أو للغير .
ــ ادرسي شخصياتهم وشوفي إش يحبون و إش يكرهون , خليك الذكية دايماً واستغلي الفرص عشان تكسبين محبتهم ورضاهم .
#حطي_ببالك : وجهات النظر بينكم تختلف بحكم إختلاف الأجيال , لكن خليك سياسيّة لو حسيتي إنو في مسأله فيها مصلحة أكيدة لك وهما رافضين تعالي لهم بالاسلوب والإقناع ولو مره رافضين قوليلهم إنك تركتيها عشان خاطرهم , بيعرفون إنك عقلانيّة و مو آخذه المسأله عناد , لو الشيء فرصة ماتتكرر ادعي ربي ييسرها و استخيري وممكن تستعينين بشخص كبير ممكن يقنعهم , واتأكدي دائماً إنهم يبغون لك الخير , بيني لهم دايماً إنك عاقله ماتفكرين بسطحيه وسذاجه وتعرفين مصلحتك عشان يعتمدون عليك , و إصحك تسوين حاجة بدون رضاهم أو بدون علمهم صدقيني بتكونين خسرانه .
~ نفسك :
هنا المحور الأساسي و المهم للموضوع , البندين السابقين ماكانت لك , لكن الآن أنتي بدون قيود سوي اللي في بالك جربي كل حاجة لاتقصرين على عمرك في شيء , ولاتشيلين هم الناس أبداً
جهزي لمستقبلك من الآن , إهتمي بشخصيتك و أخلاقك , إهتمي بجمالك و عنايتك , شدي حيلك بدراستك ؛ خلينا ناخذها بالتفصيل :
- دراستك :
في الدراسة تصقلين شخصيتك , من خلال مستواك الدراسي أولاً , ومن خلال العلاقات بينك وبين معلماتك وصديقاتك , ومن خلال الأنشطة المدرسية زي الإذاعة و المصلى والنظام ووو , بنات مره مهم إنك تستغلين أيام المدرسة صدقيني هيا الفترة الي بتكوّنين فيها أبرز مميزات شخصيتك .
أنا شخصياً إستفدت فائدة عظيمة من الإذاعة لما دخلت الجامعة طلبوا مننا بدون مقدمات عروض و شروح , البنات الي مو متعودات كانوا يرجفون بصوتهم وبيدينهم وماعرفوا يشرحون مزبوط , عكس الي متعودة تقوم قدام الناس وتتكلم بطلاقة .
الجمعيات والنشاطات على حسب شخصيتك , أنا في سنوات أشترك فيها تعطي جو جميل للدوام وتكسّبني صداقات جديدة , وسنوات ما اشترك أخليها فله مع البنات .
حبّي دراستك حتى لو تكرهينها , لانها شر لابد منه ( وحرام نسميها شر لأنها نعمة عظيمة ) , حبي نظامك صحيتك من الصباح , كشختك وطقوس المدرسة , صديقاتك ومعلماتك , تنوّع الجو لحاله نعمه : مع الإختبارات توتر و إجتهاد , ومع الويكند وتعليق الدراسة فرحه , ومع الرحلات والأيام المفتوحة حماس , ومع مجلس الأمهات والتكريم فخر و إنجاز , عكس الإجازة الي في بدايتها نفرح ونستانس بس حد نعتاد الروتين نطفش ونتمنى الدراسة ترجع .
سنوات دراستك معدودة خليك فيها وسط لا إفراط ولا تفريط , لاتسيرين المهملة البليدة , ولا تكونين الدافورة اليابسة , عادي إستمتعي ولاتضغطين على نفسك وتشيلين هم بزيادة .
بقولك على سر بس خليك عقلانية ومتزنة ولو كنتي خوّافة لاتسمعينه , يعني لا ضير من بعض الأكشنات الممتعة الي تتذكرينها لما تتخرجين وتحكين أولادك عنها , بس حطي ببالك أكشن بدون مصايب ولا قلة حياء #
#حطي-ببالك : خليك فاكرة دايماً الهدف من الدوام والدراسة 16 سنة مو عبث , كله لكِ وللزمن , الجاهل عدو نفسه , المدرسة تعطيك رؤوس الأقلام و إنتي عليك تقرأين وتبحثين , هذا الهدف الأول , الهدف الثاني شهادتك ثم شهادتك ثم شهادتك , مو مهم تعرفين أهميتها الآن , لأنك بتعرفينة تلقائي بعد كم سنة .
- جمالك :
راس مال البنت جمالها ( لاتقولين الأخلاق أهم ومادري إش ) صح الأخلاق مهمة وأساسية لكن هذا مايعني إن الجمال أقل اهميّة , النظرة الأولية لشخص أول مره تقابلينه مابتكون من أخلاقه لأنو أكيد لسى ما إحتكيتي فيه ولا عرفتيه , لكن بتكون 60% على شكله و 40% على تصرفاته , مقصدي هنا أبداً مو على الجمال الملامحي قصدي على الإهتمام باللبس و المظهر العام , قيد قلت قبل لما تكونين ذات ملامح عاديه ومهتمه بنفسك وعارفه جوانبها الجميله ومبرزتها والعكس أبداً مو نفس لما تكونين جميلة الملامح لكن مو مرتبة ولا متهندمة بذوق و أناقة ..
في جمالك إهتمي بأدق أدق تفاصيلك , لاتسهين عن شيء أبد , نوعّي في طلاتك وألوان ملابسك وحتى في قصات وتساريح شعرك , خلي مظهرك دايماً متجدد , مو لازم تكونين دايماً بيرفكت ومبهرة , لكن كوني دائماً على قدر من الأناقة والكشخة .
لو عندك أي مشاكل جمالية عالجيها أول بأول , مشاكل الشعر , الأسنان , المفاصل , الروائح ووو ...
سوي رياضة وحافظي على صحّتك , علشانك إنتي وبس ! لما تكبرين بالعمر صحتك هيا الي بتشيلك مو الناس .
وإتأكدي دائماً نص الثقة بالنفس في الثقة بجمالك وشكلك خاصةً عند الإناث , لاتستهينين .
#حطي-ببالك : الجمال توليفة متجانسة , مابتكونين جميلة لو كنتي قمّة في الأخلاق وإهتمامك بنفسك صفر , ولا بتكونين جميلة لو كنتي بأجمل ملامح و أخلاقك صفر .
- شخصيتك :
جوانب الإهتمام بالشخصية كثيرة , اقعدي دايماً مع نفسك في مكان هادي وفكري بكل شيء يخصك , صارحي نفسك وكأنها شخص منفصل , شاوريها - فضفضي لنفسك - إعترفي لها - حتى لو حزنتي إبكي لاتكبتين داخلك .
في مره سويت حاجة مره فادتني جربيها ممكن تفيدك زيي , رحت لمكان هادي واخذت ورقة وقلم واتخيلت نفسي في لقاء وجاني سؤال إحكي عن نفسك وكأنك تحكين قصة , حطيت صوتي الراوي وغمضت عيني وجلست اتخيل كأني أتابع فيلم كرتون , ذكرت تفاصيل كنت ناسيتها عن نفسي , من ولادتي و عايلتي مراحلي الدراسية والمواقف الي لسى متذكرتها معلماتي وحدة وحدة , سفراتي طلعاتي مناسباتي , كل المواقف الحلوة والمرة والمضحكة والمبكية كل كل كل شيء , بعدها كتبت كل صفاتي الكويسة الي حسيتها فيني , وبرضو مع المو كويسة , كتبت هواياتي و مواهبي , إهتماماتي , مفضلاتي , نقاط ضعفي , وسلبياتي , بجد حسيت إني إتعرفت على وحدة ماكنت أعرفها من قبل .
وشيء مهم جداً إنك تعرفين معلوماتك , تقدرين وقتها تتكلمين عن نفسك بكل ثقة وطلاقة وماتكون ارآئك متناقضة .
مره إنسألت في مكان عام إش لوني المفضل ؟ وقتها ماكنت قيد سألت نفسي هالسؤال , كان ببالي إني أنثى لازم أحب اللون الوردي , لكن لما فكرت إكتشفت إني أحب الأخضر و البنفسجي !
من وقتها كل مسألة تمر علي أسأل نفسي لو بأختار إش راح يكون إختياري ؟
#حطي_ببالك : الناس بتعاملك زي ما إنتي تعاملين نفسك , وتشوفك زي ماتشوفينها , قوّة شخصيتك تخلي الناس تحسب لك 1000 حساب , وأدب و إحترامك تفرض على الناس معاملتك بالمثل .
- وقتك :
أكاد أجزم إنو 40% من وقتنا فراغ , لو حسبنا في الـ 60% النوم والأكل والعبادة والدراسة فقط .
40% مو شيء هيّن أبداً , الآدمي الذكي هو الي يعرف يستغل وقته بشكل ممتاز , وفي وقتنا الذكي الي يستغل نص وقته عالأقل بشكل ممتاز .
أكيد السبب الرئيسي هو غزو النت والأجهزة الذكية لكن برضو عقولنا بروسنا ونعرف نميّز الصح من الغلط , مابقولك لاتقعدين عالنت لأنو أنا أصلا ماسويها , لكن قيّمي نفسك هل أغلب وقتك عليه يكون بشيء مفيد أو ساعات تروح سبهلله ؟!!
فيه حلول كثيرة تساعدك تستغلي وقتك بشكل مُرضي لو مشكلتك بسبب النت, منها :
ــ قرري مع نفسك ماتمسكين الجهاز إلا لما تخلصين الشغلات الي عليك ( ممكن تدونيها وتشطبي كل شغله تنجزيها ) .
ــ ممكن تنظمي وقت للجهاز , مثلاً رأس كل ساعة تاخذين لفة ع التطبيقات مدة 10 دقايق .
ــ ممكن تحددين وقت يومي للجهاز ماتتعدينه ( في كثير تطبيقات تحسب لك وتنبهك بعد فترة إنتي تحدديها ) وخلاص لو خلص وقتك المتاح تشيلي الجهاز وتخلصي شغلك .
وممكن مشكلتك ماتكون من الجهاز , إعرفي المشكلة وإبدأي جربي الحلول لحد ماتزبط معك , أعرف آدمية مشكلتها يدها ثقيييله , الشغله الي تحتاج ساعة تخلصها بساعتين , راحت حددت لكل شغلة وقت معيّن ماتتجاوزه , خلصت الشغله كان بها ولو ماخلصت تسيبها وتبدأ باللي بعدها .. وو إنتي وشطارتك .
طيب أنا كيف أستفيد من وقتي ؟
أولاً : جيبي ورقة ورتبي مهامك فيها من المهم العاجل , إلى العاجل , إلى المهم , ثم الغير عاجل , وآخيراً الغير مهم .
ثانياً : حددي وقت تقريبي تنجزين فيه كل المهمات , وممكن تحددين وقت لكل فئة براحتك , ولاتنسين تحطين وقت للراحة .
ثالثاً : كافئي نفسك لما تنجزين كل فئة , ولو خلصتي كل القائمة كافئي نفسك بشيئ تحبينه , مثلاً فيلم أو وقت إضافي للنت أو حمام إسترخاء ... .
أخيراً : خلي لك دورة محددة تقيمين فيها نفسك هل فعلاً كنتي منجزة ؟ ممكن تكون يومية أو اسبوعية براحتك .
تذكري إنها كلها مجرد إقتراحات , شوفي كيف ممكن تتعاملين مع وقتك ونفذي , في ناس تحب الجداول وناس تنبيهات الجوال وناس تعتمد على ذاكرتها ... .
#حطي_ببالك : كل شيء سلاح ذو حدين , إنتي تقررين إما ينفعك أو يضرّك .
~ صديقاتك :
الصداقة نعمة كبيرة , لكن لو اُختيرت صح * نقطة جداً مهمة .. خلي صداقات بشكل مجموعات , ركزي معي
1 زملاء الدراسة مجموعة كبيرة , وعلاقتك فيهم شبه رسمية , سواليف وضحك في المجال فقط , غالباً تنتهي بإنتهاء المجال (دراسة-وظيفة-سفر ...) .
2 الصداقات على السوشال ميديا , صداقة مفتوحة بحذر# , معلوماتك الشخصية أبداً ماتظهر للكل يادوب إسمك وجنسيتك ولو زادت عمرك فقط ؛ على فكرة صداقات السوشال ميديا من أجمل الصداقات لو اتوفقتي فيها .
3 الصداقات الإجتماعية زي بنات الجيران , وبنات الجماعة ( الأقارب ) هذي الصداقة ما اعتقد لها ضوابط كثيرة نفس السابقات لأنهم أورّيدي عارفين كل معلوماتك ؛ خذي راحتك معاهم في حال كنتوا سمنه على عسل , ولو كنتوا العكس ( خلّك بعيد حبّك يزيد ).
الصداقة الأفضل غالباً تكون إحدى مجموعات الدراسة وتستمر طويل ,بالنسبة لي شلّة الثانوي هم الأفضل إلى الآن .
نقطة مهمة : لاتترددين أبداً إنك تنسحبين عن أي صداقة سلبية , سواء أخلاقياً أو دينياً أو نفسك ماتستمتعين معاهم , كثير نشوف صديقات يسبون ببعض سب جارح بغرض الضحك والمزح , لاتسمحين لهم أبداً يعاملونك بالمثل ومن أول موقف سوي لهم حد وبيني لهم وجهة نظرك .
#حطي_ببالك : البيوت أسرار , مهما تكون الصديقة قريبة أكثر من أخت ما أسرد لها مشاكلي الشخصية أو العائلية , ما أذكر اهلي بالشينة ودايماً أمدحهم , ما أتذمر من حياتي , ولا حتى أمدحهم بشكل مبالغ * حتى لو كنت صادقة ما أعرف إش ظروف الباقيين ممكن تحزّ بخاطرها او أكون سبب في كرهها لعايلتها , كان ببالها إنها عايشة بنعيم بس تقارن نفسها فيني تتغير نظرتها ( خصوصاً مع سناب شات ) وهذا يطول فيه الكلام ويحتاج تدوينه منفصله , أعتقد إن المغزى وصل !
ختاماً : كل الرسومات هي من حساب الجميلة " أروى العمراني " .
#تأكدي_دايماً : تفاصيل صغيرة وبسيطة بتغير حاجات كثيرة في حياتك , فقط ركزي .
دمتم بـِ رضا وراحة ❤
3 comments