[ 10 خطوات لإزالة المكياج ]
" السلام عليكم ورحمة الله وبركاته "
صباحِك / مساءِك رونق
أول بوست مكياجي بمدونتي *😊*
أهم شيء تتعلمينه قبل تتعلمين الميكب نفسه هو الطريقة الصحيحة لإزالته ، ليش ؟
لأنو لو ما ازلتي الميكب بشكل كامل راح يبدأ يعمل لك مشاكل في بشرتك ؛ وهذا ياخذنا لمعلومة مهمة والي هي إنو المكياج بحد ذاته مو مضر جداً ، والآثار الي بتطلع لنا بعده سببها عدم الإزالة بالشكل الصحيح مو مجرد وضعنا للميكب ..
# لو اخترتِ مستحضرات ماركتها كويسة ، ومناسبة لنوع بشرتك ، وازلتيها بطريقة صحيحة واهتميتي ببشرتك صدقيني مابتتضرر بشرتك بإذن الله .
حبيت اليوم اشارككم طريقتي في إزالة المكياج ، ماني خبيرة ولا أعرف إذا فعلاً هالطريقة الأنسب ، لكن من خلال تجربتي فعلاً مايبقى نتفة مستحضر ع وجهي ، وبشرتي م تعطي أي ردة فعل سلبية بعد ما احطه ، بعكس قبل اتبع هالطريقة كنت أنام واصحى الاقي حبتين طالعين 😬
أول شيء نوع بشرتي مختلطة ، التي زون دهني والباقي عادي ..
١ الخطوة الأولى :
هي رفع الشعر بالكامل ، و فسخ العدسات
- لما ترفعين شعرك بيسير اسهل لك توصلين للمنابت وحدود الجبين وتمسحين بشكل كامل ؛ مهم نشيل العدسات بالبداية عشان تاخذين راحتك في إزالة الماسكرا والآي شادوز
٢ الخطوة الثانية :
هي مسح الوجه بزيت النارجين ، و عمل مساج خفيف باطراف الأصابع وبحركة دائرية لكل الوجه
- كثير يوتيوبرز جربوا زيت النارجين لإزالة الميكب وكانت نتيجته جيدة جداً ، أنا أحب أخليه ضمن الخطوات بس مو لحاله ..
٣ الخطوة الثالثة :
إزالة الزيت بمناديل مع ضغط خفيف ، ٨٠٪ من المستحضرات بتطلع بهالخطوة .. كرري هالحركة إلى مايسير المنديل شبه نظيف
# ركزي ع الثنايا و الرقبة و الأذن ، لا تقربين من العين لسى ماوصلنا لها
٤ الخطوة الرابعة :
هي مسح الوجه بمزيل بايوديرما ، بالقطنة مرّي على نفس مكان زيت النارجين ..
- المزيل بيشيل الزيت وبقايا المستحضرات الي ماشالها الزيت ، بهالخطوة مرّي عالعين بطريقة الضغط ثلاث ثواني وبعدها اسحبي القطنة بخفة لجهة الأذن واقلبي القطنة وكرري الخطوة مرة ثانية " مو لازم تتخلصين من كل الآي شادوز بهالخطوة أهم شيء ٨٠٪ منه يروح "
٥ خامس خطوة :
خذي فازلين بكمية سخيّة بالإبهام والسبابة و حطي عالرموش من فوق وتحت بشويش وبضغط بدون سحب وخليه شوي يليّن الماسكرا قبل تمسحينه ، الباقي باصبعك من الفازلين مرريه عالجفن كمان
- هالخطوة ما استغني عنها ، تسّهل إزالة الماسكرا بدون ما افقد أي رمشة " رموشي غالية ع قلبي 🙄 "
٦ سادس خطوة :
بالمنديل ابدأي بمسح الماسكرا بنفس طريقة وضع الفازلين ، الابهام تحت الرموش والسبابة فوق الرموش وابدأي حركي المنديل بخفّة وخذي راااااحتك بهالخطوة وتأكدي إنك أزلتيها بشكل كامل ؛ لو كنتِ حاطه أكثر من طبقة كرري خطوة الفازلين والمسح إلى ماينظف المنديل تماماً ..
# هالطريقة جربتها مع الماسكرا العادية مو مع الووتر بروڤ ، فما اعرف لو تزبط أو لا .
٧ سابع خطوة :
أمسح الجفن عن الفازلين بالمنديل بدون ضغط قوي + بأعواد القطن امررها ع خط الرموش ومقدمة العين والأماكن الصغيرة ، ولو كنت حاطه آيلاينر ازيله بأعواد القطن مو بالمنديل ..
٨ ثامن خطوة :
بقطنة وبمزيل بايوديرما أمرّ على منطقة العين بخفة للتأكد من نظافتها ..
٩ تاسع خطوة :
استخدم غسول وجهي اليومي مع فرشة فيزا بيور [ كتبت عنها ريڤيو لو حبيتي تطلعين عليه هنا ] ، مع كل الخطوات السابقة بهالخطوة الاقي بقايا لون بالفرشة !
أمرر الفرشة على كل وجهي ، وأعيد تشغيلها مرة ثانية وأمررها على رقبتي ؛ منطقة حوالين العين استخدم اصابعي بخفة وما أقرب كثير ..
اشطف وجهي بالمويا الباردة و أجففه بالطبطبه
١٠ آخر خطوة :
ارطب وجهي بـ بيبانثين السماوي ، ع أطراف اصابعي أحط قد حبة الفستق وافرك اصابعي وابدأ اطبطب على كامل وجهي وتحت عيني ، بالسبابة والوسطى أمسّج تحت عيني بطريقة الطبطبة المتناوبة والمتتالية لدقيقة ..
وبكذا تكون بشرتي تخلصت من المكياج ورجعت نظيفة تلق لق✨
فيه خطوة إختيارية أسويها لو لي مزاج ، أحب أحط لبن زبادي " روب " قبل الخطوة الأخيرة ، ينعش بشرتي ويعطيها نضارة فورية ..
* ممكن تبان الخطوات كثيرة وطويلة ، لكن بالتطبيق هي سهلة وبسيطة ماتاخذ ١٠ دقايق
جا دوركم الآن قولولي خطواتكم في إزالة الميكب 👏🏼
" دُمتم بـ رونق "
❤
16 comments