العناية بالمنطقة الحساسة [ رؤوس أقلام ]
" السلام عليكم ورحمة الله وبركاته "
صباحك / مساءك سعادة
لكل بنت طريقتها ومنتجاتها في العناية بجسمها ، وبالمنطقة الحساسة بالتحديد ؛ باستعرض لكم اليوم أبرز الأشياء الي م استغني عنهم لأني أصلاً مو متوسعة ومقتصرة على الأساسيات ، ماحب التخبيص والمبالغة فالعناية .. عموماً الخطوات الي برأيي لازم كل بنت تتبعها - افترض إن القارئه عمرها من ١٢ وفوق - :
❞ الفوط اليومية :
جداً مهمة بالنسبة لي ، لأنو البنت لازم تبدل الكلوت مرتين إلى ثلاث باليوم ، هالفوطة تغنيك عن التبديل وتحافظ على نظافة المنطقة من الإفرازات اليومية ومن التعرق و تمتص الروايح الكريهه .
أحب فيها إنو ريحتها لطيفة جداً فتخلي المنطقة بريحتها ، حتى مع إفرازات ماقبل الدورة الغزيرة .
* الفوط رقيقة جداً ورفيعة ماتعيق ولاتضايق ، ماتحسين فيها أصلاً ، لازم بكل شنط الدوام يكون فيه كم حبه و أثناء التسوّق كمان ، إذا اتعودتي عليها ماتعيشين بدونها .
كيرفري الوحيدة الي جربتها وجداً مرتاحه عليها ، ملمسها ناعم وريحتها جميلة وسعرها معقول وموجودة بكل الصيدليات .
❝ الغسولات :
الغسول الخاص شيء ضروري ، استغربت لمن صورته في السناب إنو في بنات كبار مايعرفون إش هوا !
الغسول ثلاث مرات في الاسبوع يقتل البكتيريا ويعقم المنطقة ، لكن الإكثار منه يسبب جفاف ويقلب النتيجة لأنه يقتل البكتيريا النافعة والضارة فماينفع نكثر منه .
كيرفري هو الوحيد الي جربته ولكن مرتاحه عليه جداً ، استخدمة من ست سنوات تقريباً وجداً ممتاز .
❞ إزالة الشعر الزائد :
هم خيارين لا ثالث لهم ، الشفرات " الأمواس " ، أو ماكينة الحلاقة ؛ أنا جداً ضد النتف بجميع أشكاله ، خلونا من الألم الشنيع ، المنطقة على اسمها حساسة ماتستحمل شد ونتف ، كمان بالحديث الرسول عليه الصلاة والسلام قال : " نتف الإبط وحلق العانة " / أنا جربت الطريقتين ( أمواس - ماكينة حلاقة ) :
❜ الآلة : تنفع للبنات الصغار أكثر من الأمواس لأنها اسهل وأأمن ، كمان لأنها تحلق لآخر حد لكن ماتشيل كامل الشعرة ، وهالشيء مهم لأنو الموس يحتاج تكنيك معيّن ولّا بيسبب حساسية فضيعه .
آلة براون القلم لها رأسين للأماكن الواسعة والضيقة ، جداً عمليّة ، تشتغل بالبطاريات ماتحتاج شحن .
عيب الآلة إنها سنة وتخرب ، العيب في الشركة نفسها " براون " قرأت كثير تجارب اجمعوا على إنها سنة وتخرب إش ماكان نوعها .
سعرها ١٥٠ ريال إذا ماكنت غلطانة وموجودة بمحلات التجميل .
❜ الأمواس : استخدم ڤينيوس الوردية وجداً رهيبه ، ناعمة عالبشرة وماتجرّح كثير ، تحتاج تركييييز خصوصاً بالثنايا ، ولازم تمشين باتجاه نمو الشعر لأن العكس صحيح ينعم ويشيل كامل الشعرة لكن هو السبب الرئيسي في الحكة المزمنة اللي بالتالي تسمّر وتحرج .
ولكن يضل الموس بالنسبة لي أفضل بمراحل وأسرع .
❝ وأكيد ماننسى تجفيف المنطقة :
أهم أهم أهم نقطة ، بعد كل غسيل نجفف المنطقة كويس ، بطريقة المسح الخفيف من الأمام للخلف ، جداً خطير العكس يسبب التهابات ومشاكل انت في غنى عنها ..
الرطوبة هي سبب تغيّر اللون والروايح و أوقات تسبب حكه وحساسية ، كنت استخدم مناديل كيرفري وكانت هوايل جداً جداً فضيعه نفس حقت الأطفال مبلوله تكه ، لكن انقطعت من فترة ولا لقيت لها بديل ، عموماً حتى المناديل العادية تنفع ولكن حطي بالك تكون متينه ماتتقطع مع المويا وتبقى وممكن تدخل وتسبب لك مشاكل لاسمح الله " قريبتي اتضررت من هالنقطة ، بسبب قطع المناديل الي دخلت رحمها " فخلو بالكم :)
❞ الفوط الصحية :
جربت من الماركات اولويز و برايڤت / م اقولكم اولويز قد اش شنييييعه لأنها بلاستيك عكس برايڤت قطن كامل ، ارتحت جداً على برايڤت فما جربت بعدها شيء ، لي تقريباً ست سنوات عليها / طبعاً من وقتها ماجربت اولويز البعض يقول انها الآن أفضل ولكن كوتكس و برايفت يبقون التوب ..
مهم جداً تجربين أنواع كثير إلين ترتاحين على نوع منهم / من حيث الراحة بالحركة و التحسس والإمتصاص وغيره .
❝ الطهارة والمسك :
أهم خطوة في الشهر هو التطهر بالمسك بعد التطهر من الدورة ، هالشيء تكلمت عنه في هالبوست
فوايده كثيييييرة وبتلاحظين بعد فترة الإلتهابات اختفت والإفرازات تعدلت ، حتى الحكة تروح والريحة الشينة تختفي
يعني يسمكر يسمكر المنطقة لوووووووول
يكفي إنه سنة نبوية فأكيد مفيد لنا .
هالتولة الصعنطوطة سعرها ٢٠٠ ريال من عبدالصمد القرشي لكن تخيلو انو اللي بالصورة نفسه اللي فالبوست القديم من سنتين يعني حتي مانقص ولا نقطة ، فشيء جيد إنو اقتصادي جداً .
كذا بكل هالبساطة تكونين بنوتة مو مقصرة بحق منطقتك الحميمية ومحافظة عليها ، فيه بعض المنتجات اللي البعض يشوفها ضرورية مثل سبراي مزيل العرق للمنطقة أو المعطرات أو المرطبات وغيرو ، للأمانة ماجربت شيء منها للآن ولكن لو احتجت باجرب ، وأكيد الروتين يختلف حسب إحتياج كل بنت عن الثانية .
وفيه كمان نقاط ماوسعني ذكرها الآن وهي اختيار الكلوت القطن والمقاس المناسب حتى الإحتكاك مايسبب لك مشاكل ، كمان مغطس الملح بعض الناس يفضلونه عن السباحه في ماء البحر بعد الدورة أو يكونون في مناطق بعيد عن البحر .. فيعني لكل بنت تجربتها ، كل اللي عليك تقرأين وتجربين وتحددين المناسب لك من غيره .
اتمنى الموضوع فادكم ، شاركوني طريقة إهتمامكم الخاصة في الكومنت :)
" دُمتم بـ جمال "
❤
7 comments