ربوعيتنا

التطوير الشخصي

صحة و رياضة

طلات شتوية للجامعة .. ❥

by - 12:27 AM

"  السلام عليكم ورحمة الله وبركاته  " 
صباحِك / مساءِك أنيق




 الشتاء فصل الكشخة بالنسبة لي ، خصوصاً بالجامعة المجال واسع جداً لفرد " عضلاتك الكشوخية " ، قبل يدخل الشتاء جهّزت طلباتي ،، بعضها طلبتها من جولي شيك وبعضها من ماركات عادية .. يلا نشوفها مع بعض 👏🏼


أول بلوڤر .. حبيته لأبعد درجة ، لونة بمبي درجته خطيرة ، حبيت تفاصيله ناعمة و أنيقة 
قماشة ثقيل ويدفّي بقوّة .. حبيت التفصيلة الي بنهاية الحبل كأنو بوت أو شيء جميل م أعرفه 🙄


 هالبلوزة الصوف الجميلة ، ألبسها في الصيف لحالها لأنها خفيفة نوعاً ما و أنيقة 
وبالشتاء ألبس تحتها قميص أبيض تطلع أنيقة جداً ..
أحب لونها جداً حيوي ، والسلسلة العريضة تعطي إضافة جميلة وتكمل الطلة ..
[ م اتذكر من فين من زمان شاريتها ]


❜ هالبلوزة بين البلوڤر والبلوزة العادية، قطنية ثقيلة ، أحب لونها وتفاصيلها ، البروشين الصغار عاليسار اعطوا لمسة فضيعة
موديلها كروب توب تنفع ع تنانير أو بناطيل ، عمليّة و استفدت منها كثير .
[ من ستراديڤاريوس كولكشن الشتاء ٢٠١٥ ]


❜ من أحب البلوڤرات لقلبي ، أنيييييق لأبعد درجة ، الرمادي عادةً جميل ومع تدخيل العودي معه سار يعقّد ..
الأطراف مبرومة ومنتشة " مالقيت مسطلح غيره بس أتوقع واضحة بالصورة " حبيتها 
[ من بيرشكا كولكشن الشتاء ٢٠١٦ ]


اخترت معاها هالشيء الكيووووووووت 😻
صعنطوط يجنن ، خلقة أحب الفيل وهذا تفاصيله متعوب عليها ..
[ من اكسسواريز ]


 أزرق ي أزرق ،، أكثر لون في دولابي 🙈 مو لأني هلالية بس صدفة جات كذا ..
موديلها يشبه الوردية اللي فوق بس حبيت زراقها كيف مغبش و مومتوحد ، لوهلة تحسينها جينز لكن صبغتها كذا بالحقيقة ..
نفس الشي البروشات أضافت تفصيلة جميلة جداً حبيتها ..
                                   [ من ستراديڤاريوس كولكشن الشتاء ٢٠١٥ ]


❜ الأسود أجمل لون بالملابس ، مستحيل مايكون بدولابي قطعة سوداء من كل نوع 
تمنيت لو إنها سادة تطلع أكشخ وأقدر أنسق عليها أكثر ، لكن هذي اللي حصلتها وطلبتها بنص إقتناع
فعلاً خامتها مو مره واو كأنو فيها بلاستك ! ، ال ميو اللي عليها مطبوعة بطريقة رخيصة شوي ، ماظن تستحمل الغسيل بالغسالة ..
ألبسها غالباً للدوام الخفيف البسيط والمستعجل .
[ طلبتها من جولي شيك ]


❜ هالبلوزة عجزت أملّ منها ، من زمان عندي لكن حابتها جداً ..
مشكلتها حااااااارة فما ألبسها بالصيف و أعتبرها شتوية ، الجميل فيها إنها مرسومة على جسمي رسم ، فتعطي رزّه جميلة .. 
[ م اتذكر من فين شريتها ]


لبست عليها هالسلسلة الكيوت ، أعطت حاجة جميلة بما إنو البلوزة سادة 
[ من البارو ]


ومرات ألبس هالبومة ، من باب التغيير بنفس القطعة ..
[ من مهرجان أبها التسوقي ]


❜ و أخيراً الأنيقة الرايقة
هالبلوڤر ألبسه إذا كنت مروقه بس ، لاتسألون ليش بس ماحب ألبسه إذا مزاجي مش ولابد أو رايحة الدوام غصب " لووووووول "
لحاله أنيق م أحب أضيف شغلات كثير عليه ، حتى شعري والميكب أحاول ابسّطه قد ما أقدر 
قماشة ثقييييل و يدفي 
[ طلبتها من جولي شيك ، سولد آوت حالياً ]


لبست عليها هالسلسلة تعبي المساحة الفاضية بدون ماتكون أوڤر وتخرّب الرواقة
[ أخذتها من ستراديڤاريوس ]

وخلصنا ..
إش أكثر قطعة حبيتوها ؟ 
و إش فصل الكشخة بالنسبة لكم ؟

 " دُمتم بـ أناقة " 

    

You May Also Like

4 comments